Vuçiq thotë se Serbia s’mund t’i shkelë interesat shtetërorë në Kosovë

4 Tetor 2016 - 21:38      

Kryeministri i serb Aleksandar Vuçiq ka thënë se Serbia nuk mund t’i shkelë interesat e veta kombëtare e shtetërore në Kosovë, transmeton Koha.net.

Shefi i Qeverisë serbe sot ka biseduar me Angelina Eichhorst rreth dialogut me Kosovë – Serbi.

"Çdo zgjidhje, deri më tash, ka qenë jashtëzakonisht e vështirë për palën serbe,e cila përcaktimin e vet për paqe e stabilitet e ka konfirmuar shumë herë, por Serbia, po ashtu, nuk mundet që vullnetarisht të shkelë interesat e vete shtetërore e kombëtare”, citon Veçernje Novosti të ketë thënë kryeministri Vuçiq.

Kryetari i Qeverisë së Serbisë Aleksandar Vuçiq dhe drejtoreshës së Departamentit për Europën Perëndimore, Ballkanin e Turqinë në Shërbimin për Politikë të Jashtme Angelina Eichhorst, në bisedimet e sotme kanë konstatuar se është e nevojshme të vazhdohet dialogu i mëtejmë Beograd- Prishtinë në dobi të gjetjes së zgjidhjes së pranueshme nga të dy palët.

© KOHA. Të gjitha të drejtat janë të rezervuara.