Kryetari i Gjilanit Haziri për keqpërdorim të detyrës para Gjykatës [video]

4 Tetor 2016 - 19:05      

Kryetarit të Gjilanit, Lutfi Haziri, i është dashur të martën t'i lërë për pak orë punët e komunës për t'u paraqitur në Gjykatë, raporton KTV.

Prokuroria po e akuzon kryetarin e Gjilanit nga LDK-ja për keqpërdorim të detyrës zyrtare.
Për këtë në Gjykatën Themelore të Gjilanit është mbajtur seanca fillestare ndaj kreut të Komunës.

Pas leximit të aktakuzës, Haziri është deklaruar për të.
Fitim Haziri, pronar i kompanisë me të cilën ka lidhur komuna kontratën, është i dënuar 3 herë nga Gjykata, në njërin rast me burgim.

Gjyqtari Afrim Shala i ka dhënë afat Hazirit dhe mbrojtjes së tij që deri më 14 tetor të paraqesin kundërshtimet për prova dhe aktakuzën.
Shumica e kryetarëve të komunave të Kosovës kanë qenë ose janë të akuzuar për vepra të ndryshme penale.

© KOHA. Të gjitha të drejtat janë të rezervuara.