Shkalla e dytë vërteton se dy vendimet e kryetares së Kushtetueses ishin të jashtëligjshme

4 Tetor 2016 - 07:31      

Trupi ekzekutiv i Inspektoratit të Punës ka lënë në fuqi vendimin e shkallës së parë të këtij institucioni me të cilin janë konstatuar disa shkelje ligjore të Gjykatës Kushtetuese të Kosovës, në procedurën, fillimisht të pranimit e më pas të largimit nga puna të këshilltarit ligjor, Xhemajl Veliqi.

Dy prej veprimeve kundërligjore mbajnë firmën e kryetares Arta Rama-Hajzeri, shkruan sot Koha Ditore.

Sipas vendimit të Inspektoratit, të nxjerrë më datën 25 korrik të këtij viti, i cili është vërtetuar edhe në shkallën e dytë me një vendim të nxjerrë më 16 shtator të këtij viti, thuhet se në procedurën ndaj Veliqit nuk janë respektuar Ligji i Punës, Ligji për Gjykatën Kushtetuese, Rregullorja e punës së Gjykatës Kushtetuese, Rregullorja për procedurat e rekrutimit, të emërimit dhe të punës provuese të stafit në Gjykatën Kushtetuese dhe Udhëzimi mbi praktikat dhe mbi funksionimin e njësisë ligjore.

Lënda në shkallën e dytë ka shkuar pas ankimimit që Gjykata Kushtetues ia kishte bërë vendimit të shkallës së parë. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.