Veseli uron Gjermaninë për 26 vjetorin e ribashkimit

3 Tetor 2016 - 19:08      

Me rastin e 26 vjetorit të ribashkimit të Gjermanisë, kreu i Kuvendit, Kadri Veseli, ka dërguar urimet më të përzemërta për “popullin mik” të Republikës Federale të Gjermanisë.

Ky vend, sipas Veselit, i është gjetur popullit tonë në kohët më të vështira duke u bërë strehë e pjesës më të madhe të bashkatdhetarëve tanë që u detyruan ta braktisnin vendlindjen prej robërisë.

“Gjermania ka qenë gjithashtu faktor kyç në çlirimin e Kosovës, në fitoren e pavarësisë dhe vazhdon të na ndihmojë në mënyrë bujare në procesin e shtet-ndërtimit dhe të integrimeve Evropiane. Ne jemi krenarë që Gjermania është një ndër aleatët tanë më të afërt dhe gëzohemi për çdo arritje apo suksesi të këtij vendi”, theksoi Veseli.

Kryeparlamentari Veseli tha se po ashtu jemi krenarë që jemi të rreshtuar në të njëjtin front të luftës kundër terrorizmit dhe që në kuadër të anëtarësimit në NATO e BE partneriteti ynë ka për të qenë edhe më i ngushtë.  

© KOHA. Të gjitha të drejtat janë të rezervuara.