Futbolli si ikje nga realiteti për politikanët tanë

3 Tetor 2016 - 11:28      

Një agjendë e aktiviteteve të sotme të krerëve të Kosovës tregon për dashurinë dhe përkushtimin e tyre të madh për futbollin.

Në Shqipëri sot kryetari i Kosovës, Hashim Thaçi viziton kombëtaren e Shqipërisë.

Në Kosovë, në Drenas kryetari i Kuvendit Kadri Veseli shkon për të shikuar ndeshjen e përfaqësueses së Kosovës kundër Ferronikelit.

Në kryeqytet, sot Isa Mustafa pret ekipin e fansave të përfaqësueses së Kosovës, “Dardanët”.

Nuk dihet se çfarë do të bëjë ministri i Sporti (MKRS), ose ndoshta ai të enjten e mund të jetë në Shkodër për të ndjekur ndeshjen Kosovë – Kroaci.

Pra, sot është pothuaj një ditë politike e futbollit, komenton Koha.net.

Ndoshta kjo dhe nuk është gjë e keqe. Të paktën për politikanët , të cilët, ndoshta, kush e di, për në ditë të paktën mund ta harrojnë për vetëm një ditë Marrëveshjen e demarkacionit e opozitën që po e kundërshton, si çështje politike, ose dialogun shterp me Serbinë, problemet me papunësinë, korrupsionin a krimin e organizuar... 

© KOHA. Të gjitha të drejtat janë të rezervuara.