Kthehet në familje adoleshenti që konsiderohej i zhdukur që dy muaj, iku azil [video]

2 Tetor 2016 - 19:29      

Për një jetë, siç thotë, më të mirë, ani pse shumë i ri në moshë, kishte vendosur ta lërë Kosovën, për të marrë rrugët e emigrimit drejt Austrisë.

Liridon Kallaba pas 2 muaj që ishte raportuar i humbur, të shtunën është kthyer pranë familjes së tij.

Ai thotë se nuk i kishte treguar askujt për planin e tij të ikjes me qëllim që askush të mos bëhet merak.

Liridoni insiston se askush nuk e ka shtyrë për këtë veprim, dhe vendimi për t’u larguar nga Kosova ishte marrë vetëm prej tij.

E, mysafirë të shumtë gjatë gjithë kohës vizitojnë familjen e Liridonit, për ardhjen e djalit. Lirdoni në mesditën e 4 gushtit, kishte shkuar në dyqan bashkë me motrën e tij, por asaj i kishte thënë të kthehej me arsyetimin se edhe ai do të kthehej më vonë në shtëpi.

Babai i tij dyshonte se i përzier në humbjen e tij ishte një mik i tyre afgan, që me të ishin shoqëruar gjatë kohës sa kishin jetuar në Gjermani, e që kjo miqësi ka vazhduar edhe pas kthimit në Kosovë, por këtë e mohon Liridoni.

© KOHA. Të gjitha të drejtat janë të rezervuara.