Konsensusi i munguar

2 Tetor 2016 - 08:03      

Pas më shumë se një viti konfrontimesh e mospajtimesh politike mes subjekteve në pushtet dhe opozitë, rreth çështjeve, siç është demarkacioni i kufirit me Malin e Zi, apo edhe rezultati i dialogut me Serbinë në Bruksel, sërish flitet dhe kërkohet konsensus politik. Kërkohet rivënia në jetë e një parimi, mbi të cilin është udhëhequr politika shqiptare e Kosovës, por që u mbyt sapo Hashim Thaçi mori pushtetin.

Veçmas në këtë mandat kur vendi qeveriset nga dy partitë më të mëdha, LDK e PDK, është parë polarizim i skajshëm mes spektrit politik. Në disa episode, jeta institucionale edhe është paralizuar. Në Kuvend janë parë përleshje, gaz lotsjellës e arrestime, shkruan sot “Koha Ditore”.

Edhe sheshet në kryeqytet kanë përjetuar protestat më masive të pasluftës që i ka organizuar opozita, në të cilat janë parë edhe përleshjet, edhe gazi lotsjellës, edhe djegiet e shkatërrimet, por edhe prangosjet. Kuvendi këtë vit ka përjetuar edhe një sulm me granatë dore, i cili sipas hetuesisë është kryer nga aktivistë të LVV-së, subjektit politik opozitar që e mohon këtë akuzë... (më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.