Qytetarët raportojnë për shkeljet e ligjit të Trafikut nga Policia [video]

1 Tetor 2016 - 20:14      

U komentua gjerë e gjatë Ligji për trafikun rrugor, që hyri në fuqi muajin e kaluar, por kryesisht për shumën e lartë të gjobave që parashihte për shkelësit.

Shoferët kanë shtuar kujdesin në trafik, por megjithatë gjobat nuk mungojnë, raporton KTV.

Një numër i madh i shikuesve të KTV-së, kanë dërguar fotografi e video për rastet kur kanë kapur policë duke i shkelur ato rregulla.

Shkelje janë nga më të ndryshme, si: tejkalime në vijë të plotë, parking në vend të gabuar e të ngjashme.

Deputetja Ganimete Musliu, njëherësh anëtare e Komisionit për Siguri, e vlerëson si pozitiv efektin që vlerësohet të jetë arritur me ligjin e ri, derisa shton se askush nuk duhet të kursehet nga ndëshkimi nëse shkel rregullat.

KTV-ja ka pyetur nëse në mesin atyre që kanë marrë gjoba, ka edhe policë me vetura zyrtare.

Në një përgjigje elektronike, Daut Hoxha, nga Policia e Kosovës, thekson se në trafik të gjithë po trajtohen njëjtë.  

© KOHA. Të gjitha të drejtat janë të rezervuara.