Mungesa e kuorumit, pengesa më e madhe e kalimit të ligjeve në Kuvend [video]

1 Tetor 2016 - 19:07      

Pavarësisht kthimit të opozitës në Kuvend, shumë pika në seanca plenare po dështojnë të votohen në mungesë kuorumi.

Kështu ndodhi edhe në seancën e fundit, kur nuk u arrit të votoheshin propozim-rezolutat e Vetëvendosjes për gjendjen në veri dhe kodin shtetëror, raporton KTV.

Pavarësisht rëndësisë së temave, të enjten në Kuvendin e Kosovës pak deputetë ishin të interesuar t’i dëgjonin ato.

Aty, përpos në hapje të seancës, nuk qëndroi as vetë kryeparlamentari. E edhe vetë kryeministri, më shumë qëndroi jashtë sallës, sesa brenda saj.

Partia më e madhe në pushtet, PDK-ja, gjatë interpelancës së dytë, mbeti në vetëm 6 deputetë, ndërsa edhe te LDK-ja mungonin shumë.

Kjo u kritikua nga Vetëvendosje, duke thënë se këtu shihet serioziteti i partive në pushtet.

Instituti Demokratik i Kosovës ka dalë edhe me shifra sa u përket pyetjeve parlamentare. Edhe në sesionin e kaluar, shumë seanca dështonin në mungesë kuorumi.  

© KOHA. Të gjitha të drejtat janë të rezervuara.