Veseli: E kemi për detyrë të kujdesemi për të moshuarit

1 Tetor 2016 - 13:19      

Kreu i Kuvendit të Kosovës, Kadri Veseli, ka kujtuar se sot është Dita Botërore e të Moshuarve, e që sipas tij shërben “për të na kujtuar një ndër vlerat më fisnike të popullit tonë, traditën e respektimit dhe përkujdesjes për moshën e tretë”.

“Është përgjegjësi e jonë morale, që të tregojmë mirënjohje ndaj brezave të vjetër për kontributin e dhënë. E kemi gjithashtu detyrë të kujdesemi që të moshuarit të kalojnë një pleqëri rehatshme e të lumtur në mënyrë që fazën e tretë të jetës ta kenë të sigurt e ta kalojnë në një ambient sa më të ngrohtë”, ka thënë Veseli. “Prandaj, unë mendoj se jo vetëm duhet të inkurajojmë solidaritetin mes gjeneratave brenda familjes, por edhe duhet t'i japim një rol më aktiv shtetit për t'u kujdesur më shumë për të moshuarit që nuk gëzojnë mbështetje familjare”, ka shtuar ai.

© KOHA. Të gjitha të drejtat janë të rezervuara.