Mustafa: Do të jemi të kujdesshëm në hartimin e statutit të Asociacionit

30 Shtator 2016 - 23:29      

Kryeministri i Kosovës, Isa Mustafa ka thënë në televizioni publik se ende nuk ka filluar puna për hartimin e statutit të Asociacionit të Komunave me shumicë serbe.

“Tani është kompletuar ekipi menaxhues që së bashku me OSBE-n dhe zyrën e BE-së dhe Qeverinë do të fillojë hartimin e Statutit. Puna ende nuk ka filluar, por e kemi bërë të qartë edhe me ndërkombëtarët se ky statut duhet të jetë vetëm në harmoni me Kushtetutën e Kosovës”, ka thënë Mustafa.

“Ky statut duhet të përputhet në plotni me rekomandimet e Gjykatës Kushtetuese sepse nuk duam që Gjykata Kushtetuese të thotë se Qeveria e ka shkelur Kushtetutën në këtë aspekt. Pra do të jemi shumë të kujdesshëm në përpilimin e statutit të Asociacionit të komunave me shumicë serbe”, ka shtuar më tej ai.