Haradinaj mbetet i bindur se demarkacioni nuk i ka votat e deputetëve

30 Shtator 2016 - 23:12      

Kreu i Aleancës për Ardhmërinë e Kosovës (AAK), Ramush Haradinaj është shprehur i bindur se demarkacioni nuk do të kalojë edhe nëse do të jenë të gjithë deputetët e secilit subjekt në seancë, pasi siç vlerëson ai, asnjëri nga ta nuk dëshiron që të nesërmen të pendohen.

“Edhe po të jenë të gjithë deputetë në Kuvend, s’ka votë për këtë marrëveshje, kjo s’është marrëveshje me efekte të përkohshme”, ka sqaruar Haradinaj

Kreu i AKK-së, duke folur në RTV21 ndër të tjera tha se disa deputetë të koalicionit nuk po e votojnë ratifikimin e marrëveshjes për shënjimin e vijës kufitare me Malin e Zi sepse nuk po i lejohen nderi i tyre dhe se këto veprime ata nuk po i bëjnë për hatër të askujt mirëpo nuk mund ta votojnë atë.

Haradinaj ka kërkuar zgjidhje të re të këtij problemi. Ndërsa për ftesën e kryeministrit, ai ka shpjeguar se kjo është një dinamikë ‘ngreh e mos këput’ pasi siç thotë ai, për këto tema, qeveria ka interes në disa zhvillime pa epilog në mënyrë që mos të vërtetohet që kjo ka ra sepse e kanë frikën e llogaridhënies nga kjo situatë.

“Dihet që s’ka votë për këtë temë. Mendoj që qeveria më mirë ta marrë guximin dhe të mos e procedojë këtë marrëveshje. Në të kundërtën kjo është një lloj zhagitje e agonie që Kosovë është lodhur më këto, sikurse me Asociacionin. Kjo nuk duhet të vazhdoj kështu pa epilog”, ka thënë Hardinaj.