Opterusha e Rahovecit bëhet me shkollë të re

30 Shtator 2016 - 13:22      

Kryetari i Kuvendit të Kosovës, Kadri Veseli, ministri i Arsimit, Arsim Bajrami dhe kryetari i Komunës së Rahovecit, Idriz Vehapi kanë përuruar sot objektin e ri të shkollës fillore “Lidhja e Prizrenit” në Opterushë të Rahovecit, njofton kumtesa nga MASHT, transmeton Koha.net.

Kryetari i Kuvendit, Veseli theksoi se kjo është një shkollë e bukur, por tha se do të vazhdohet gjithandej Republikës së Kosovës që të gjitha shkollat të kenë objekte të tilla dhe mësimi të zhvillohet vetëm me një ndërrim.

“Në të njëjtën kohë do të vazhdojmë që në çdo shkollë të Republikës së Kosovës sa më shpejt të kenë kabinete të informatikës”, tha kryetari Veseli.

Ministri Bajrami përgëzoi kryetarin e Komunës për ndërtimin e kësaj shkolle dhe tha se ky është model i mirë i kujdesit për banorët e këtij fshati, sepse sot po përurohet një shkollë moderne, një shkollë ku fëmijët do të marrin edukim cilësor.

© KOHA. Të gjitha të drejtat janë të rezervuara.