Qeveria hesht për arrestimin e drejtorit të Policisë nga autoritetet serbe

30 Shtator 2016 - 10:38      

Drejtori rajonal i Policisë së Mitrovicës, Nehat Thaçi, është arrestuar të mërkurën mbrëma nga autoritetet serbe në vendkalimin Kosovë-Serbi, në Konçul, shkruan sot Koha Ditore.

Ai është arrestuar mbi bazën e një fletarrestimi të lëshuar nga Gjykata e Lartë në Nish, në vitin 2010, nën dyshimin për terrorizëm. Thaçi ishte nisur drejt Perëndimit dhe Serbinë e shfrytëzonte si vend transit. Arrestimin e tij e kanë konfirmuar Ministria e Punëve të Brendshme e Kosovës dhe Policia e Kosovës. Institucionet e Kosovës nuk kanë reaguar fare për këtë rast, shkruan sot Koha Ditore.

Gazeta ka kontaktuar edhe me Ministrinë e Punëve të Brendshme për të kërkuar informacione më shumë rreth arrestimit të Thaçit, por ata kanë kërkuar që për këtë t’i drejtohemi Ministrisë së Punëve të Jashtme. E as në Ministrinë e Punëve të Jashtme nuk janë përgjigjur lidhur me interesimin e gazetës për rastin. Gazeta kontaktuar me zëvendësministrin Valon Murtezaj, por ai ka thanë se për këtë është duke u marrë Ministria për Dialog...(Më gjerësisht lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.