“VV nuk funksionon si AAK-ja, me logjikë të bajraktarit”

29 Shtator 2016 - 21:23      

Kontributi i përbashkët i opozitës ka qenë vendimmarrës në dy marrëveshjet për të cilat kanë punuar së bashku.

Sekretari organizativ i Lëvizjes Vetëvendosje, Dardan Molliqaj në Rubikon të KTV-së ka komentuar deklaratën e kryetarit të AAK-së, Ramush Haradinaj se Molliqaj vendos për çdo gjë në subjektin e tij.

Ai ka thënë se Haradinaj ndonëse kryetar i partisë nuk mund të kuptojç logjikën e Lëvizjes Vetëvendosje.

“Ramushi nuk mundet ta kuptojë këtë sepse është i mësuar të vendos gjithçka vetë”, ka thënë Molliqaj.

Ai ka thënë se një gjë e tillë nuk është e mundshme të jetë e vërtetë edhe nëse ai do dëshironte që të jetë i pari vendimmarrës në LVV.

“I kemi përgjegjësit e ndara, e vërtetë që kam qenë më i angazhuar në pjesën e protestave pasi jam sekretar organizativ. Ramushi e ka logjikën e bajraktarit ku ai vendos dhe të tjerët i shkojnë mbas”, përfundoi Molliqaj.

© KOHA. Të gjitha të drejtat janë të rezervuara.