Molliqaj: Shenjat e gishtave dhe ADN-së nuk janë përputhur

29 Shtator 2016 - 20:54      

Mungesa e provave të Prokurorisë në rastin e gjashtë aktivistëve të Vetëvendosjes ka bërë që të shtyhet masa e paraburgimit edhe për dy muaj tjerë, sipas Dardan Molliqajt, sekretar organizativ i lëvizjes Vetëvendosje.

Në “Rubikon” të KTV-së ai ka thënë se nuk ka pasur fakte dhe Policia edhe në mungesë të tyre ka vazhduar procesin.

“Prokuroria dhe Policia në mungesë të dëshmive, për ta vazhduar procesin krejt çka është dashur që të bëjnë është të zgjerojnë hetimet. Tash kanë marr shenjat e gishtave dhe ADN-së nuk janë përputhur. Nuk ka deklaratë nëse janë përputhur”, ka thënë Molliqaj.

Molliqaj më tutje ka thënë se Policia e Kosovës ka marr incizime pa leje. Incizime, që sipas tij i shërbejnë Policisë në këtë rast si prova kundër këtyre aktivistëve, rrjedhimisht pa urdhër të Prokurorit.

© KOHA. Të gjitha të drejtat janë të rezervuara.