Raport i KTV-së nga interpelanca e kryeministrit për gjendjen në veri [video]

29 Shtator 2016 - 19:47      

Kryeministri i Kosovës, Isa Mustafa, është paraqitur në interpelancën e dytë pas orës 16:00, për gjendjen në veriun e Kosovës.

I paktë ishte interesimi i deputetëve sidomos të atyre të partive në pushtet.

Në fillim të seancës ishin 50 deputetë e ky numër vetëm sa shkoi duke u zvogëluar.

Megjithatë debati nisi, e deputeti i Vetëvendosjes Ismail Kurteshi iniciues i interpelancës ka thënë se gjendja në veri vazhdon të jetë e rëndë e jashtë kontrollit, ndërsa i ka kujtuar kryeministrit se as vartësit e tij serb në qeveri nuk i ka nën kontroll.

Ndërkohë kryeministri e ka pranuar se veriu vazhdon të mbetet sfidë për vendin dhe ka kërkuar ndihmën e faktorit ndërkombëtar.

Edhe PDK e LDK thonë se veriu mbetet sfidë por sipas tyre atje ka pasur edhe arritje.

Ndërkohë shefi I deputetëve të VV-së Glauk Konjufca ka kërkuar që zyrtarisht Qeveria ta kategorizojw veriun si territor të okupuar.

Pal Lekaj e ngriti shqetësimin për arrestimin e drejtorit të policisë të Mitrovicës ndërkohë të gjitha këto deklarime I kryeministri I ndoqi nga bufeja e Kuvendit.

Ndërkohë deputetja e LDK-së Lirie Kajtazi ka thënë se në veri ende ka shqiptarë që mësojnë në kontejnerë dhe për këtë ka kërkuar nga ministri të ndërmarr veprime konkrete.

© KOHA. Të gjitha të drejtat janë të rezervuara.