“A po i njeh këto foto”, e pyet Sokol Havolli Shpend Ahmetin

28 Shtator 2016 - 23:15      

Sokol Havolli, shef i Kabinetit dhe këshilltar i kryeministrit Isa Mustafa, në Facebook ka polemizuar me kryetarin e komunës së Prishtinës Shpend Ahmeti, i cili ka thënë se protestuesit, banues të lagjes “Dardania” të nxjerrë nga banesat e uzurpuara, po e shqetësojnë te shtëpia dhe po ia bëjnë të qajë vajzën, transmeton Koha.net.

Havolli në Facebook ia ka përkujtuar Ahmetit se Vetëvendosje ka mbajtur protesta para shtëpisë së kryeministrit Isa Mustafa në të cilën po ashtu ka pasur fëmijë të vegjël,dhe cila, ka thënë Havolli, është gjuajtur me molotovë.

“A po i njeh këto foto”, e ka pyetur Sokol Havolli Shpend Ahmetin duke ia treguar shtëpinë e kryeministrit Mustafa.

“Shpend Ahmeti, ‘melaqja’...ani bertitke ‘qika jem po kanë...’ A po i njeh këto foto? Nëse jo, po të kallxoj që është shtëpija e Kryeministrit Isa Mustafa, shtëpi private, ku ka fëmijë të moshës së njejt me qikën tuaj. Këtu, partia jote ka gjuajt edhe molotova. Para shtëpisë tuaj kanë protestu në mënyrë të qetë, veç ti bërtitshe aty. Je ti edhe partia jote që keni vendosë standard të ri të ‘protestës’, atë të terrorizimit të familjarëve të kundërshtarëve tuaj. (keqardhje per qiken e shqetësuar)”, ka shkruar Havolli. 

© KOHA. Të gjitha të drejtat janë të rezervuara.