Kush kundërshton investimet e kompanisë së Wesli Clark-ut në Kosovë

28 Shtator 2016 - 21:45      

Partia Ekologjike e Kosovës nëpërmjet një komunikate për media shpreh shqetësimin me të kuptuar se në Kuvendin e Kosovës do të shqyrtohet kërkesa e konsorciumit “Enivdity Energy Kosova LLC” dhe “ShaarCem&Titan; Amerika” për të marrë licencën për shfrytëzim të thëngjillit në Kosovë, transmeton Koha.net.

“Përkundër faktit që Kosova ka interes për investime të huaja dhe se këto investime mundtë jenë fitimprurëse, të mundësonin hapjen e vendeve të reja pune dhe do të angazhonin shumë firma nënkontraktuese të vendit, Partia Ekologjike e Kosovës, fuqishëm e kundërshton realizimin e këtij projekti, sepse konsideron se do të ishin shumë të dëmshme për Kosovën dhe qytetarët e saj, në rendë të parë për rritje enorme të ndotjes së mjedisit në përgjithësi, dhe rrezikon të shkaktoj dëme të pariparueshme për tokën, ujin dhe ajrin e vendit tonë, dhe së dyti për shkak të një teknologjie joadekuate, e kohërave të shkuara dhe jo ato bashkëkohore që tani përdoren në tërë botën. Sepse teknologjia për realizimin e këtyre projekteve nuk ka përdorim në shtetet e BE-së. Ato përdoren vetëm në tregjet afro-aziatike ku janë treguar si shkatërruese të mjedisit dhe ekologjisë”, përcjell kp komunikatën e kësaj partie. 

© KOHA. Të gjitha të drejtat janë të rezervuara.