Kontribuesit e Trustit nuk duan që paratë e tyre të jepen për pensione të veteranëve [video]

28 Shtator 2016 - 19:01      

Ministria e Financave nuk specifikon arsyet se ku do t’i përdorë paratë e Trustit Pensional, pas hapit të parë që bëri për ndryshimin e ligjit, i cili parasheh që investimet e reja nga letrat me vlerë të rritën në 50 për qind të kontributeve bruto brenda një viti, raporton KTV.

Njohësit e çështjeve ekonomike potencojnë se këto para do të përdorën për pensionet e veteranëve, ndërsa vetë kontribut-dhënësit janë kategorikë kundër kësaj iniciative.

Por ata që për vite të tëra kanë dhënë kontribute për Trustin Pensional të Kosovës, nuk pajtohen që paratë e tyre të jepen për asnjë kategori tjetër të pensioneve.

Sidoqoftë, të 27 mijë veteranët që tashmë janë pjesë e sistemit pensional ende nuk i kanë marrë pensionet për këtë muaj.

Ministri Abrashi ka bërë të ditur se pensionet do të lëshohen deri në fundin e javës, pasi të marrin miratimin nga Ministria e Financave edhe për 1 milion e gjysmë euro më tepër të kërkuara nga ministria e tij dhe ky vendim pritet të merret në mbledhje të ardhshme të qeverisë.

© KOHA. Të gjitha të drejtat janë të rezervuara. 

© KOHA. Të gjitha të drejtat janë të rezervuara.