Dhuna në shkolla, nuk ka si të justifikohet [video]

27 Shtator 2016 - 19:27      

Dhuna fizike te nxënësit mund të shkaktojë: trauma psikike, humbje vetëbesimi e humbje të besimit në institucionin shkollor, raporton KTV.

Dhe në Kosovë nuk janë të rralla rastet kur mësimdhënësit rrahin nxënësit.
Psikologë e sociologë të vendit, nuk e justifikojnë në asnjë mënyrë dhunën e shprehur mbi nxënës, pavarësisht rrethanave që kanë mundur të shkaktojnë një situatë të tillë.

Besojnë se përveç që traumatizohet një nxënës, bie edhe reputacioni i shkollës, si dhe krijohet panik edhe te familja, pasi në njëfarë mënyre, autorizojnë institucionin shkollor për ta pasur në përkujdesje fëmijën e tyre e jo për ta keqtrajtuar atë.

Zenun Gashi mësimdhënësi që po akuzohet për përdorim të forcës ndaj një të mituri, e që për të rasti në polici është hapur si keqpërdorim i pozitës zyrtare dhe autorizimeve publike, i ka vetëm 35 vjet.

Por mosha e tij nuk parashihet si faktor për t’u cilësuar i dhunshëm.
Nga ministria e arsimit nuk ka folur askush për rastin e fundit të dhunës mbi nxënësin Fitim Krasniqi në Rahovec.

© KOHA. Të gjitha të drejtat janë të rezervuara.