Mustafa do të ketë shumë punë këtë të enjte në Kuvend [video]

26 Shtator 2016 - 19:03      

Shumë punë do të ketë kryeministri i Kosovës Isa Mustafa këtë të enjte.

Ai, para deputetëve, do të jetë për dy interpelanca, me iniciativë të Vetëvendosjes.

Në njërën, Mustafa do të përgjigjet para deputetëve lidhur me kodin telefonik e në tjetrën për gjendjen aktuale në veriun e Kosovës, raporton KTV.

Pas mbledhjes së Kryesisë nuk u la pa u përmendur demarkacioni, ani pse kjo çështje nuk ishte për diskutim në Kryesi.

Kryeparlamentari Kadri Veseli ka thënë se kjo çështje duhet të përfundojë dhe është i bindur se do ta kalojnë bashkërisht.

Por, për opozitën, marrëveshja është e vdekur, ndërkohë për kryeministrin thanë se nga Amerika bëri presion ndaj deputetëve.

Ndryshe, Kryesia ka vendosur që në seancën e së enjtes të shqyrtohet propozimi i Qeverisë së Kosovës për lëshimin e licencës për kompaninë e Wesley Clarc-ut dhe atë për Sharr Cem dhe Titan Amerika.

Kundër është shfaqur opozita.

Kuvendi i Kosovës ka vendor të themelojë departamentin për analiza ligjore, që sipas kryeparlamentarit, do të ndihmojë Kuvendin të nxjerrë ligje më të mira.

© KOHA. Të gjitha të drejtat janë të rezervuara.