Demarkacioni s’është në rend dite as në seancën e së enjtes të Kuvendit

26 Shtator 2016 - 12:16      

Kryesia e Kuvendit të Kosovës ka mbajtur sot mbledhje me kryetarët e grupeve parlamentare, në të cilën është vendosur që të enjten, më 29 shtator, të mbahet seanca e ardhshme e Kuvendit të Kosovës.

Kryetari i Grupit Parlamentar të AAK-së, Pal Lekaj, i cili ishte i pranishëm në këtë mbledhje, tha se Kosova është çliruar nga një ankth, meqë demarkacioni nuk është në rend dite.

“Mendoj që Qeveria ka hequr dorë nga ky version dhe mu për këtë nuk po e shihni në rend dite. Në rend dite nuk ka ndonjë çështje që mund të përfitojnë qytetarët, por koalicioni qeverisës për interesa të ngushta kanë nguti”, ka thënë Lekaj.

Më tej, ai ka deklaruar se në Kuvend duhet të debatohet çështjet që janë në interes të vendit, e jo të individëve.

“Versioni i demarkacionit është i vdekur”, shtoi Lekaj.