Për të shpërndarë asistencat, Postës i kërkohet garanci që pagesat t’i bëjë në banka

26 Shtator 2016 - 07:49      

Postës së Kosovës i është kërkuar një garanci ose dëshmi se pagesat e përfituesve të asistencës sociale do të bëhen në xhirollogari bankare të përfituesve, në mënyrë që kjo e fundit të fitojë të drejtën për t’i shpërndarë asistencat sociale.

Kjo kërkesë është bërë në rekomandimet që ka nxjerrë një grup punues i formuar në Ministrinë e Punës dhe Mirëqenies Sociale (MPMS), e të cilat janë dorëzuar në Komisionin parlamentar për shëndetësi, punë dhe mirëqenie sociale më 20 shtator, shkruan sot “Koha Ditore”.

Gjithashtu në këto rekomandime është kërkuar edhe ndryshimi i një sërë udhëzimesh administrative, me të cilat thuhet se shpërndarja e asistencave nga ana e Postës do të binte ndesh.

Rekomandimet e këtij grupi punues janë nxjerrë, pasi që në maj të këtij viti Organi Shqyrtues i Prokurimit (OShP), pas ankesës së Postës, e kishte anuluar tenderin për shpërndarje të ndihmave sociale, të shpallur nga MPMS-ja... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.