Kryesia mblidhet të hënën, demarkacioni s’është në rend të ditës

23 Shtator 2016 - 16:02      

Kryetari i Kuvenduit të Kosovës, Kadri Veseli, ka thirrur për të hënën, më 26 shtator, mbledhjen e Kryesisë me kryetarët e grupeve parlamentare, në të cilën pritet të caktohet seanca e radhës e Kuvendit dhe rendi i ditës së saj.

Sipas rendit të ditës së Kryesisë, Marrëveshja për demarkacionin me Malin e Zi as në seancën e radhës, që zakonisht mbahet të enjteve. Përveç pikëve tashmë standarde për çdo seancë të rregullt:

1. Koha për deklarime jashtë rendit të ditës,
2. Koha për pyetje parlamentare,
3. Miratimi i procesverbalit nga seanca e mëparshme, në rend të ditës do të jenë edhe këto pikë:
4. Votimi për emërimin e një anëtari në Komisionin për Kërkesa Pronësore,
5. Interpelanca e Kryeministrit, Isa Mustafa, sipas kërkesës së deputetit Visar Ymeri, i mbështetur edhe nga 7 deputetë nënshkrues, në lidhje me kodin telefonik shtetëror të Republikës së Kosovës,

6. Interpelanca e Kryeministrit Isa Mustafa, sipas kërkesës së deputetit Ismajl Kurteshi, i mbështetur edhe nga 10 deputetë nënshkrues, në lidhje me situatën aktuale politike në pjesën veriore të Republikës së Kosovës,

7. Shqyrtimi i Propozimi-vendimit të Qeverisë së Republikës së Kosovës, nr. 05/106, datë 25.08.2016, me të cilin konsiderohet interesi publik nga lëshimi i licencës për Projektin e Kompanisë Envidity Energy Kosova LLC,

8. Shqyrtimi i Propozim-vendimit të Qeverisë së Republikës së Kosovës, nr. 06/106, datë 25.08.2016, me të cilin konstatohet interesi publik për lëshimin e licencës për hulumtim për Projektin e Kompanisë Sharr Cem dhe Titan Amerika,

9. Zgjedhja e një (1) anëtari të Këshillit Prokurial të Kosovës.