Muharremaj i AAK-së: Përpjekja për t’i kthyer serbët në Mushtisht është e parakohshme

22 Shtator 2016 - 15:38      

Pajtimi nuk bëhet me masa administrative, po me krijimin e klimës se mirëbesimit. Sot ka ndodhur një takim ndërministror për kthimin e serbëve me përfaqësues edhe nga komuna e Suharekës.

Në një situatë kur përndiqen dhe largohen shqiptarët nga shtëpitë e tyre në veri të Kosovës, kur shqiptarët kane plagë ende të freskëta, përfshirë edhe qytetarët e Mushtishtit, kur mijëra shqiptarë rezultojnë të zhdukur dhe kur Serbia akoma nuk ka kërkuar falje për krimet e kryera në Kosovë e në Mushtisht, nismat për pajtim e kthimit, mund të prodhojnë kundërefekt. Prandaj kjo çështje duhet trajtuar me kujdes dhe jo me nguti, tha sot deputeti i AAK-së, Bali Muharremi.

Secili gëzon të drejtën e kthimit në pronën e tij, por rrethanat e tanishme për ata që kanë humbur më të dashurit, janë ende kujtime të freskëta.
Për këtë flet edhe protesta e fundit në Mushtisht, tha deputeti Muharremi.