Gjashtëdhjetë përfaqësues të mediave polake vizitojnë Shqipërinë

22 Shtator 2016 - 14:48      

Tiranë, 22 shtator - Në kuadër të promovimit të Shqipërisë përmes udhëtimeve familjarizuese me gazetarë dhe operatorë turistik të huaj, po realizohet udhëtimi familjarizues i një grupi prej 60 përfaqësuesish të mediave polake të “Press Club Polska”.

Gjatë qëndrimit të tyre në vendin tonë, u realizua një prezantim mbi turizmin shqiptar dhe veprimtarinë e Agjencisë Kombëtare të Turizmit.

Kryetari i Shoqatës “Press Club Polska”, Jaroslav Wlodarczyk, vlerësoi si të rëndësishëm bashkëpunimin ndërmjet autoriteteve, shoqatave dhe biznesit privat të përfshirë në sektorin e turizmit në të dyja vendet.

Ndërkohë, përfaqësuesi i Agjencisë Kombëtare të Turizmit, Sokol Kongoli, duke folur për promovimin e vendit tonë theksoi rëndësinë e shkëmbimit të informacionit si dhe krijimin e kushteve për pjesëmarrje në panaire për promovimin e gjithë formave të turizmit.