Pensionistët kundër kufizimeve për tërheqjen e kursimeve nga Trusti

22 Shtator 2016 - 07:15      

Mënyra e përcaktuar për tërheqjen e mjeteve të Fondit të Kursimeve Pensionale nuk po u pëlqen shumë pensionistëve, shkruan sot Koha Ditore.

Pamundësia për tërheqjen e të gjitha mjeteve, nëse shuma e kursimeve është nën 2250 euro, është vetëm njëra nga çështjet që i ka revoltuar ata. Të pakënaqur janë edhe me tarifat që disa banka i ngarkojnë me rastin e tërheqjes në faza, si dhe e drejta që u është dhënë bankave private që të menaxhojnë me mjetet e tyre të kursyera.

Pensionisti N.S. nga Prishtina, ka thënë se mjetet e kursyera nuk po mund t’i përdorë sipas dëshirës së tij.
“E para nuk na lejojnë t’i tërheqim mjetet përnjëherë dhe nuk e di saktësisht se cilat janë tarifat që aplikohen nga banka me rastin e tërheqjeve. Pastaj nuk mund të tërheqësh më shumë mjete sesa shuma e caktuar”, ka theksuar ai.

Mjetet e kursyera nuk u lejohet t’i marrin përkundër faktit që ato pas aprovimit të kërkesës për tërheqje nga ana e pensionistit, nuk menaxhohen nga Fondi për Kursime Pensionale të Kosovës (FKPK).
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.