Në Tiranë po mbahet konferenca vjetore e ACEEEO-s

21 Shtator 2016 - 17:05      

Nga sot, deri më 23 në Tiranë mbahet Konferenca e 25 Vjetore e ACEEEO-s, e cila organizohet nga Komisioni Qendror i Zgjedhjeve i Republikës së Shqipërisë dhe ku po marrin pjesë zyrtarë zgjedhorë nga rreth 40 vende të botës, njofton kumtesa zyrtare, transmeton Koha.net.

Në këtë Konferencë po merr pjesë edhe një delegacion i Komisionit Qendror të Zgjedhjeve, i kryesuar nga kryetarja e KQZ-së, Valdete Daka dhe në përbërje të anëtarëve: Ilir Gashi, Adnan Rrustemi, Binak Vishaj, Eshref Vishi, Ercan Spat dhe kryeshefit ekzekutiv të SKQZ-së, Enis Halimi.

Gjatë këtyre ditëve sa do të zgjasë Konferenca, do të ofrohet një panoramë e përgjithshme në lidhje me pjesët dhe ecuritë thelbësore të zgjedhjeve që nga themelimi i ACEEEO-s.

Po ashtu, do të paraqiten edhe zhvillimet e fundit të teknologjisë zgjedhore në aktivitetin e titulluar: “Zhvillimi i Teknologjisë së Zgjedhjeve në 25 vitet e fundit – Samiti i Kryetarëve të Komisioneve Zgjedhore dhe kompanive që lidhen me zgjedhjet”.

© KOHA. Të gjitha të drejtat janë të rezervuara.