“OMNIX Group” tërhiqet nga Shqipëria pas rrahjes barbare të përfaqësuesit të saj

21 Shtator 2016 - 06:30      

Sulmi i bërë ndaj biznesmenit libanezo-amerikan, Faadi Mitri, 10 ditë më parë, në afërsi të Rinasit, ka detyruar kompaninë “OMNIX Group” që ai përfaqësonte të tërhiqej nga investimi prej 450 milionë dollarësh i parashikuar në Gjirin e Lalëzit.

Me anë të një deklarate kompania ka sqaruar se tërhiqet nga çdo investim i mundshëm në Shqipëri pas sulmit që iu bë sipërmarrësit libanez në 10 shtator, shkruan sot “Koha Ditore”. I menjëhershëm ka qenë reagimi i ministres së Zhvillimit Ekonomik e Turizmit, Milva Ekonomi, e cila e ka vizituar biznesmenin në spital dhe i ka kërkuar të rishikojë vendimin e largimit, ndërsa i ka siguruar mbrojtje 24 orë atij dhe familjes.

Reagime pas kësaj tërheqjeje ka pasur edhe nga shefi i opozitës, Lulzim Basha, i cili ka bërë përgjegjëse Qeverinë dhe kryeministrin Edi Rama që Shqipërisë i ikën 450 milionë dollarë investim dhe kjo për shkakun se bandat drejtojnë vendin.

Edhe kryeopozitari Basha ashtu si ministrja Ekonomi i bëri thirrje kompanisë që të rishohë vendimin e saj. Pavarësisht garancisë së dhënë nga ministrja Ekonomi dhe thirrjeve të opozitës, rreth orës 17:00 të ditës së martë kompania është larguar përfundimisht nga Shqipëria.

(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.