Qytetarët nuk pajtohen krejtësisht me rregullat e reja në trafik [video]

20 Shtator 2016 - 19:21      

Aksidentet e shpeshta që kohëve të fundit morën shumë jetë njerëzish i kanë shtyrë zyrtarët që të vënë rregulla të reja të komunikacionit, raporton KTV.

Nga e marta, shoferët që nuk respektojnë ligjin e ri të trafikut rrezikojnë të dënohen me gjoba shumë më të larta.

Ndryshimet në këtë ligj janë bërë në ato nene që u konsiderua se mosrespektimi i tyre shkaktoi aksidentet që në këtë vit, krahasuar me të kaluarin për periudhën e njëjtë, shënuan rritje.

Rëndësi i është dhënë tejkalimit të shpejtësisë brenda zonës urbane, ku për tejkalim deri në 50 km në orë më shumë se që është e lejuar dënimi do të jetë deri në 900 euro.

Ligji parasheh edhe pikët negative, në bazë të të cilave shoferëve u pezullohet leja e vozitjes apo edhe anulohet në tërësi.

Përfaqësues të organizatave që monitorojnë këtë fushë thonë se kjo ka qenë mënyra e vetme për të edukuar qytetarët. E këta të fundit pajtohen pjesërisht me rregullat e reja.

© KOHA. Të gjitha të drejtat janë të rezervuara.