Uzurpatorët kthehen në banesat prej ku u dëbuan dje

20 Shtator 2016 - 12:35      

Banorët e nxjerrë dje nga banesat në Dardani, u kthyen mbrëmë sërish në mbrëmje në ato banesa.

Banorët e ndërtesave në Dardani, që Gjykata i cilëson si të uzurpuara, për lirimin e të cilave dje ka pasur edhe një aksion policor, kanë arritur që në mbrëmje të kthehen në banesat e tyre dhe ta kalojnë natën aty, transmeton Koha.net.

Ndonëse, orenditë shtëpiake u janë nxjerrë nga banesat, familjarët e të gjitha gjashtë banesave që ishin konsideruar se janë liruar, gjumin e natës midis të hënës dhe të martës e kanë bërë në po këto banesa.

Ata nuk kanë ngritur tenda në pjesën para objekteve banesore, dhe informata për këtë është e pasaktë.

Një tendë e cila është ngritur dje pasdite, në qoshe të këtyre ndërtesave, është ngritur për një të pame, me rastin e vdekjes së një vogëlushi të lagjes, për ata që shkojnë për ngushëllime familjes.

Ajo tendë as nuk është shfrytëzuar për çështje strehimi të familjeve që janë nxjerr dje prej banesave të uzurpuara, nga policia.

© KOHA. Të gjitha të drejtat janë të rezervuara.