Hyjnë në fuqi rregulla të reja kundër shkelësve në komunikacion

20 Shtator 2016 - 08:27      

Nga e marta, më 20 shtator, hyn në fuqi Ligji i ri për rregullat e trafikut rrugor, i cili parasheh gjoba të ashpra si për shoferët, ashtu edhe për këmbësorët që shkelin rregullat e komunikacionit.

Me këtë ligj janë përcaktuar rregullat e reja për shoferë, këmbësorë dhe për pjesëmarrësit tjerë në trafik, sistemi i pikëve negative, marrja e përkohshme përkatësisht anulimi i patentë shoferit, përdorimi i rripit të sigurisë sipas standardeve të Direktivave evropiane, kontrollimi mobil i rregullsisë teknike të automjetit, mbrojtja e ambientit etj.

Në Ministrinë e Punëve të Brendshme presin që ligji të kontribuojë në parandalimin e aksidenteve. Përfaqësues të kësaj ministrie kanë thënë se nëse dënimet paguhen brenda 6 ditësh, atëherë do të kenë 50 për qind zbritje.

Me Ligjin e ri është paraparë edhe dënimi për dëmtimin e shenjave të komunikacionit, ku gjoba do të jetë 6.000 euro, si dhe vendosja e radarëve me blic nëpër rrugë.  

© KOHA. Të gjitha të drejtat janë të rezervuara.