Labi synon të bëjë “bum humanitar” me fondacionin që do ta krijojë

19 Shtator 2016 - 20:30      

Këngëtari Labinot Tahiri, i cili tash e sa kohë po nis iniciativa për t’i ndihmuar të varfërve dhe të sëmurëve që u mungojnë të hollat për të shëruar, ka thënë se deri tani ka 6 mijë mesazhe që kërkojnë ndihmë nga ai dhe mbështetësit e tij.

Ai edhe një herë ka falënderuar të gjithë ata që po kontribuojnë financiarisht për raste të tilla, megjithatë, ai në një emision për televizionin publik, ka thënë se me gjithë këto raste të shpeshtuara mos po bëhemi popull pasiv.

“Nuk është zgjidhje afatgjate ndihma që po bënë populli jonë humanitar rreth rasteve të personave të sëmurë që nuk kanë para. Ndoshta do të ndërtonim ndonjë spital për leokiminë apo për ndonjë sëmundje tjetër”, ka thënë ai.

Tahiri ka shtuar se nuk do të ndalët për t’i ndihmuar qytetarëve, por edhe shteti duhet të jetë edhe më human.

Ai ka paralajmëruar formimin e një fondacioni i cili do të jetë një ”bum i madh”.

© KOHA. Të gjitha të drejtat janë të rezervuara.