Afër përfundimit rruga drejt Plavës e Gucisë

19 Shtator 2016 - 06:31      

Kryeministri i Shqipërisë, Edi Rama, ka qenë të shtunën në Malësinë e Kelmendit ku ka inspektuar punimet për ndërtimin e rrugës Tamarë-Vermosh, rreth 30 kilometra e gjatë.

Përfundimi i kësaj rruge, sipas kreut të ekzekutivit shqiptar, do të lidhë Vermoshin me Shkodrën në më pak se 90 minuta, dhe më pas me krahinën e Plavës e Gucisë, nga katër orë udhëtim i lodhshëm që bëhej më parë për të përshkuar rrugën nga Shkodra në Vermosh.

Kryeministri Rama nënvizoi se qeveria e tij ka një projekt të qartë për turizmin në këto treva. “Vetëm nga ndërtimi i rrugës dhe ndërhyrjet e bëra në Tamarë, impakti ka qenë i menjëhershëm, me shumëfishim të fluksit të vizitorëve”, tha Rama.

Vermoshi është një tjetër pikë e atraksionit turistik malor të Shqipërisë. Por ndonëse rruga ka gjatësi vetëm 70 kilometra, për të shkuar nga Shkodra në Koplik dhe më pas në Vermosh duheshin rreth 4-5 orë udhëtim të lodhshëm. (Më gjerësisht mund të lexoni në numrin e sotëm të Kohës Ditore) 

© KOHA. Të gjitha të drejtat janë të rezervuara.