“Lista e zezë” e bizneseve joaktive

19 Shtator 2016 - 07:05      

Në mesin e mijëra kompanive private në Kosovë, vetëm dy janë identifikuar si shkelëse të ligjeve në fuqi vitin e kaluar.

Ato janë futur në të ashtuquajturën “lista e zezë” e hartuar nga Organi Shqyrtues i Prokurimit, pas kërkesës së autoriteteve kontraktuese, shkruan sot Koha Ditore.

Por kjo listë nuk është përditësuar që nga gushti i vitit të kaluar nga OSHP-ja dhe kompanitë që figurojnë në të tashmë iu ka skaduar masa e diskualifikimit. Që nga viti 2012 e deri më tani, në “listën e zezë” janë vendosur vetëm pesë kompani, me arsyetimin për falsifikim të dokumenteve.

Ndaj tyre, OSHP-ja ka caktuar masën e diskualifikimit nga tenderët për periudhën nga katër deri në 12 muaj.

Në OSHP i nuk janë përgjigjur interesimit të gazetës lidhur me përditësimin e kësaj liste, edhe pse pyetjet i janë dërguar në e-mailin zyrtar që nga 30 gushti. (Detajet mund t’i gjeni në numrin e sotëm të Kohës Ditore)

© KOHA. Të gjitha të drejtat janë të rezervuara.