Të hënën studentët hapësirën e kishës pranë UP-së do ta shndërrojnë për të lexuar e diskutuar

18 Shtator 2016 - 11:14      

“Këtë hapësirë të kampusit tonë, kemi vendosur që të hënën ta shfrytëzojmë për të lexuar dhe diskutuar, duke dhënë kështu një mesazh simbolik”, thuhet në ftesën për të gjithë studentët e profesorët e UP-së, nga një grup studentësh që kundërshtojnë funksionalizimin e kishës në kampusin universitar.

Një nismë nga studentët, që janë mbledhur në një grup të quajtur “Uniteti”, parashikon funksionalizim e kishës së është ndërtuar gjatë masave të dhunshme të Serbisë në Kosovë të funksionalizohet në shërbim të studentëve, transmeton Koha.net.

“Uniteti”, përmes së cilës u kanë bërë thirrje studentëve që të hënën në orën 12:00, të lexojnë në këtë hapësirë, të bashkuar e në unitet, për Universitet.

“Një hapësirë brenda kampusit të universitetit tonë po rrezikohet nga e me politika jashtë universitare. Funksionalizimi i një objekti fetar, me gjithë vijimësinë e kundërshtisë nga studentët që nga fillimi i ndërtimit të saj, mbetet i papranueshëm për ne. Ne thellësisht besojmë se çdo cep i hapësirës universitare duhet të përdoret për të vetmet qëllime: nevojat e studentit, dijes e shkencës”, thuhet nga ata, që më tej shtojnë se “Hapësirat e universitetit duhet të përdoren nga studentët e për studentët”.

“Për këtë gjë, studentët kanë qenë gjithnjë në unitet: Universiteti si i tërë, i takon studentit, thuhet në ftesën e grupit të studentëvë të Universitetit të Prishtinës”, përfundojnë studentët.

© KOHA. Të gjitha të drejtat janë të rezervuara.