“Këshilli i Veriut” alarmon për gjendjen e shqiptarëve në këtë pjesë të vendit

17 Shtator 2016 - 11:50      

Organizata ‘Këshilli i Veriut’ e përbërë nga pesë përfaqësuesit e lagjeve të banuara me shqiptarë në veri të Mitrovicës, ka shprehur shqetësimin e saj për gjendjen tejet të rëndë të këtyre banorëve në atë pjesë të vendit.

Përfaqësuesit e kësaj organizate gjatë një konference për media të mbajtur të shtunën afër urës së Ibrit, kanë kërkuar nga institucionet vendore dhe faktori ndërkombëtar që të merren seriozisht me kërkesat e tyre.

Nazmi Ismajli, kryetar i “Këshillit të Veriut”, ka përmendur problemet e shumta me të cilat ballafaqohen shqiptarët në veri, si në aspektin ekonomik, social, por edhe pastrimin etnik që po iu bëhet banorëve shqiptarë të asaj pjese.