Për ambient biznesor, përgjegjës i gjithë kabineti qeveritar

16 Shtator 2016 - 15:28      

Ministri i Financave, Avdullah Hoti, ka hedhur poshtë vlerësimet e ndryshme se rritja e të hyrave ka ardhur si rezultat i hyrjes në fuqi të pakos fiskale. Ai në konferencën e organizuar nga Qendra për Hulumtime Strategjike e Sociale – STRAS, ka bërë të ditur se shtimi i aktiviteteve ekonomike ka ndikuar në rritjen e të hyrave dhe jo rritja e TVSH-së nga 16 në 18 për qind.

Ndërsa, Hykmete Bajrami, ministre e Tregtisë dhe Industrisë, ka thënë se efektet e reformëa tash për tash nuk mund të vërehen në punësi e mirëqenie sociale. Ajo ka thënë se i gjithë kabineti qeveritar ka përgjegjësi për përmirësimin e klimës për bizneset.

“Po Ajo që mua më ka bërë përshtypje , rritja e të hyrave buxhetore dhe aktiviteti biznesor në vend si rezultat i pakos fiskale nuk vijën nga ndryshimi i normave tatimore, përkundrazi rritja e të hyrave që ne i kemi pasur me 17-20 për qind nga shtatori i vitit të kaluar deri në dhjetor dhe këta tetë muajt e parë të këtij viti, janë rezultat i aktivitetit të shtuar ekonomik që ka ndodhur në vend”, tha Hoti.

Ndërsa, Ibrahim Rexhepi, organizator i kësaj konferencë nga STRAS, ka thënë se bazuar në të dhënat e Agjencisë së Statistikave të Kosovës, reforma fiskale nuk kishte ndikim në rënie të çmimeve të konsumit.
Hykmete Bajrami, ministre e Tregtisë dhe Industrisë, ka thënë se tash për tash nuk mund të vërehen efektet e reformës fiskale te niveli i papunësisë dhe tek termi i mirëqenies sociale.

“Ne e kemi pranuar së bashku me kryeministrin që komplet si kabinet qeveritar jemi përgjegjës për ambientin e biznesit dhe si të tillë iu kemi qasur
Për herë të parë ky mandat qeverisës ka barazuar tregtarët me bizneset dhe prodhuesit. Në vitin 2016 janë 437 kompani me pronarë të huaj, të cilat janë regjistruar në 9 mujorin e parë.”, tan Bajrami.

Reformat fiskale kanë hyrë në fuqi në muajin shtator të vitit të kaluar. Një vit pas hyrjes në fuqi të reformës, çmimet e artikujve nuk kanë zbritur, si i vajit, sheqerit dhe artikujve të tjerë që hynë në zbritje të TVSH-së nga 16 në 8 për qind.