Produktet e drurit nga Kosova ekspozohen në Gjermani

16 Shtator 2016 - 15:06      

Për të dytin vit me radhë, produktet e drurit nga Kosova prezantohen në Panairin Ndërkombëtar të Mobilierisë “M.O.W” që mbahet në Bad Salzuflen në Gjermani nga data 18 – 22 shtator 2016, njofton kumtesa nga Ministria e Tregtisë dhe Industrisë.

Kompanitë e Kosovës që do të prezantojnë produktet e tyre janë: “Tefik Çanga”, “Elnor”, “Dekoriti”, “Deva”, “Balaj”, “Kelmendi”, “Shehu” dhe “Arta”, transmeton Koha.net.

Pjesëmarrja e kompanive nga Kosova në këtë panair u mbështet nga Ministria e Tregtisë dhe Industrisë, përkatësisht Agjencia për Investime dhe Përkrahjen e Ndërmarrjeve në Kosovë (KIESA), Shoqata e Përpunuesve të Drurit të Kosovës (SHPDK), dhe EMPOWER Sektori Privat i USAID-it në partneritet me SIDA-n.

Panairi “M.O.W” është një mundësi e shkëlqyer për këto kompani që të prezantohen para bizneseve të mëdha nga Evropa, pasi ky panair tërheq çdo vit shitësit më të fuqishëm të produkteve të drurit, shitore të specializuara, zinxhirë, dhe më e rëndësishmja, platforma të shitjes përmes internetit. 

© KOHA. Të gjitha të drejtat janë të rezervuara.