Grabovci tallet me Prokurorinë, refuzon të përgjigjet për “Pronton”

15 Shtator 2016 - 08:18      

Adem Grabovcit nuk i është ndalur vetura për kontroll para hyrjes në Prokurorinë Speciale të Kosovës, të mërkurën, derisa ishte ftuar të merrej në pyetje rreth aferës “Pronto”, shkruan sot Koha Ditore.

Ndryshe prej veturave të tjera, të cilat i nënshtroheshin detyrimisht kontrollit të sigurisë, deputeti i PDK-së ka vazhduar pa ndonjë pengesë deri te dera e Prokurorisë. Vetëm pasi ka hyrë brenda, shoferi i tij e ka larguar veturën jashtë rampës. Ky lëshim iu ka kushtuar tre zyrtarëve policorë me suspendim.

Ish-shefi i Grupit parlamentar të PDK-së është obliguar t`i përgjigjet ftesës së Prokurorisë pas skandalit të përgjimeve. Ai po dyshohet për dy vepra penale: keqpërdorim i detyrës zyrtare, si dhe shkelje e statusit të barabartë të qytetarëve të Kosovës, të cilën vepër dyshohet se e ka kryer në bashkëkryerje.

Një orë e gjysmë ka zgjatur procesi i marrjes në pyetje. Pas përfundimit, ndryshe prej herës së parë, Grabovci ka kaluar rampën këmbë.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.