Kuçi prit në takim lamtumirës ambasadoren franceze, Maryse Daviet

14 Shtator 2016 - 11:45      

Zëvendëskryeministri i Parë, Hajredin Kuçi priti në takim lamtumirës ambasadoren franceze, Maryse Daviet, me rastin e përfundimit të mandatit të saj si ambasadore e Francës në Kosovë.

Kuçi falënderoi ambasadoren franceze për punën e saj të palodhshme në Kosovë gjatë mandatit të saj, për mbështetjen e vazhdueshme dhënë institucioneve të Kosovës, por edhe për mbështetjen e aktiviteteve kulturore dhe artistike që ajo dhe qeveria franceze kanë bërë në Kosovë.

Ambasadorja, gjithashtu falënderoi zëvendëskryeministrin për bashkëpunimin e vazhdueshëm dhe inkurajoi atë për vazhdimin e punës, duke u shprehur që “Kosova ka perspektivë të qartë evropiane”.

Në takim u diskutua për rëndësinë e edukimit, kulturës, sportit dhe në ndërtimin e imazhit të vendit brenda dhe jashtë, si dhe sundimin e ligjit si një ndër shtyllat e zhvillimit të vendit. 

© KOHA. Të gjitha të drejtat janë të rezervuara.