“Qeveria ka ndërruar pozicion për demarkacionin”

8 Shtator 2016 - 23:32      

Kryetari i Komunës së Deçanit, Rasim Selmanaj ka folur në “Interaktiv” të KTV-së për takimin e komunave të Dukagjinit me kryeministrin Isa Mustafa për çështjen e demarkacionit.

Ai ka thënë se versioni i Qeverisë nuk është mbrojtur nga kryeministri Mustafa dhe Qeveria ka ndërruar pozicione, duke pranuar tash fakte edhe nga kryetarët e komunave, transmeton Koha.net.

“Ka qenë atmosferë konstruktive, është një ndryshim I Qeverisë në këtë çështje, pasi as kryeministri Mustafa e as zëvendëskryeministri Hajredin Kuçi nuk e kanë mbrojtu versionin e Qeverisë për demarkacion. Tash Qeveria dëshiron t’i shohë dokumentet dhe faktet tona, kjo është gjë shumë e mirë”, ka thënë Selmanaj.

E zgjidhja, sipas Selmanajt, është që të çështja të kthehet në pikën zero

“Përveç zbutje e qëndrimit, Qeveria ka ndërru pozicion dhe po kërkon zgjidhje. Duhet versioni të bjerë poshtë dhe të fillojmë nga pika zero”, ka potencuar Selmanaj.

© KOHA. Të gjitha të drejtat janë të rezervuara.