Delegatja Hyseni tregon se si ndihet kur kalon sot nëpër Kaçanik

7 Shtator 2016 - 23:46      

Ish-delegatja e Kuvendit të Kosovës në kohën kur është shpallur Kushtetuta e Kaçanikut, Feride Hyseni, ka rrëfyer për “Interaktiv” disa kujtime të asaj dite.

Ajo ka thënë se edhe sot ka emocione për atë ditë dhe i duket sikur ka ndodhur dje. Madje ajo ka thënë se edhe sot ka frikë kur kalon në Kaçanik, transmeton Koha.net.

“Ndjenjat dhe emocionet janë sikur me ndodhë dje ajo ditë. Nuk janë harru as detajet fare. Ne kemi shumë gëzim që sot jemi të lirë dhe kemi shtetin. Edhe sot kur kaloj nëpër Kaçanik kam ende frikë”, ka thënë Hyseni.

Ajo ka thënë se ishte shumë çudi se si ishte zgjedhur qyteti i vogël i Kaçanikut.

“Kurrë nuk më ka shku ndërmend në Kaçanik sepse ishte qytet i vogël. Më është dukur se më rrezik atje se në Pejë ose qytet tjetër, por më pas e kam marrë vesh që është më mirë”, ka shtuar Hyseni, që më pas ka lavdëruar të gjithë kaçanikasit që ishin të mobilizuar atë ditë.

© KOHA. Të gjitha të drejtat janë të rezervuara.