AGK mbështet gazetarin Berisha dhe dënon linçimin e gazetarëve nga subjektet politike

7 Shtator 2016 - 19:58      

Asociacioni i Gazetarëve të Kosovës nëpërmes një reagimi thotë se e ka pritur me shqetësim njoftimin e gazetarit nga Radio Televizioni i Kosovës, Ridvan Berisha se ai është duke u ndier i pasigurt, pasi siç thotë ai linçimeve të fundit që vijnë nga subjekti politik "Vetëvendosje".

“AGK-ja mbështet kolegun Ridvan Berisha dhe dënon çdo linçim ndaj gazetarëve në Kosovë. Njëherësh kërkojmë nga subjektet politike që t'i ndalin sulmet ndaj gazetarëve të mediumit publik, pasi ditëve të fundit presioni mbi ta vetëm sa është rritur. Ua rikujtojmë të gjitha subjekteve politike se gazetarët e Radio Televizionit Publik të Kosovës nuk bënë të shndërrohen në pistë të shfryrjes së kundërshtimeve politike”, thuhet në reagimin e Asociacionit të Gazetarëve të Kosovës, transmeton Koha.net.

AGK më tej thotë se do të angazhohen në kundërshtimin e çdo lloji të linçimit, sulmit dhe shantazhit në drejtim të kolegëve gazetarë.

© KOHA. Të gjitha të drejtat janë të rezervuara.