Aksidenti ajror në Shkup anulon ngjarjen për shënimin e përvjetorit të QAK

7 Shtator 2016 - 08:44      

Aksidenti ajror i ndodhur mbrëmë në afërsi të Shkupit, ku humbën jetën gjashtë persona, në mesin e të cilëve edhe një kosovar, ka bërë që Qendra Aeronautike e Kosovës të anulojë ngjarjen për përvjetorin e themelimit të saj.

Ngjarja ishte planifikuar të mbahej në hotelin “Trofta” në Istog, ku pjesëmarrës pritej të ishin pikërisht ekuipazhi i aeroplanit të rrëzuar.

Ky është njoftimi i Qendrës Aeronautike të Kosovës:

Njoftohen të gjithë të ftuarit në përvjetorin e Qendrës Aeronautike të Kosovës, se ngjarja e planifikuar me datën 7 shtator 2016 në hotelin “TROFTA” në Istog, anulohet.

Arsyeja e anulimit është aksidenti ajror i datës 6 shtator 2016 në Shkup, i njërit prej avionëve të shkollës së fluturimeve në Treviso, Itali, bashkëpunëtore e Akademisë Kosovare të Fluturimit, të cilët ishin nisur për të marrë pjesë në këtë feste. 

© KOHA. Të gjitha të drejtat janë të rezervuara.