Çollaku lë ministrinë për postin e këshilltarit të Thaçit

6 Shtator 2016 - 13:03      

Ministri i Integrimeve, Bekim Çollaku, këto ditë do të largohet nga posti i të parit të ministrisë pasi vlerëson se misioni i tij është përmbyllur.

Në një intervistë për Kohavisionin, Çollaku ka theksuar se puna e tij si ministër i Integrimeve ka përfunduar në momentin që LIBE delegoi çështjen e vizave në Parlamentin dhe Komitetin Evropian e që sipas tij është nota e dytë pozitive pas misionit të parë që ishte nënshkrimi i MSA-së.

Ai ka theksuar se do t’i bashkohet kabinetit të Presidentit Hashim Thaçi si këshilltar i tij i parë dhe se beson e shpreson se Ministria e Integrimeve do të vazhdojë punën e saj pa iu nënshtruar fuzionit. 

© KOHA. Të gjitha të drejtat janë të rezervuara.