Nis viti shkollor, por jo në të gjitha shkollat

6 Shtator 2016 - 06:51      

Rreth 270 mijë nxënës të shkollave fillore dhe të mesme kanë filluar të hënën vitin e ri shkollor 2016-17. Por, jo në të gjitha shkollat e Kosovës ka nisur mësimi.

Nxënësit e shkollës fillore “Enver Maloku” në Podujevë nuk kanë mundur të nisin procesin mësimor, pasi që objekti aktual nuk ofron kushte elementare për zhvillimin e procesit edukativo –arsimor, shkruan sot Koha Ditore.

Kryetari i kësaj komune, Agim Veliu, i cili e ka vizituar të hënën këtë shkollë, ka thënë se është i zhgënjyer me dinamikën e zhvillimit të punimeve në objektin e ri të kësaj shkolle, në të cilin kompania e kontraktuar nga MASHT-i punimet i ka filluar në muajin prill të vitit 2009 dhe ende nuk i ka përfunduar.

Për këtë ai fajin ia ka hedhur MASHT-it, pasi siç ka thënë me neglizhencë e ka mbajtur peng edhe Komunën të investojë në renovimin e objektit ekzistues. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.