Deputetët e EPP-së, pjesë e të cilës është LDK-ja e ku pretendon të hyjë PDK-ja, votuan kundër Kosovës

5 Shtator 2016 - 21:35      

Deputetët e Partive Popullore të Evropës, EPP-së, pjesë e të cilës është Lidhja Demokratike e Kosovës e kryeministrit Isa Mustafa dhe ku pretendon që të hyjë edhe Partia Demokratike e Kosovës e kryeparlamentarit Kadri Veseli, sot kanë votuar kundër liberalizimit të vizave për qytetarët kosovarë.

Lajmin e ka bërë me dije korrespodenti i Grupit Koha në Bruksel, Augustin Palokaj, i cili ka thënë se shumë diplomatë janë habitur nga kjo sjellje e këtyre deputetëve, derisa kjo është komentuar edhe si formë e presionit ndaj opozitës për ratifikimin e demarkacionit me Malin e Zi. Në anën tjetër i është dhënë sinjal i qartë institucioneve të vendit se nuk mund të ecin tutje pa luftimin e korrupsionit në nivel të lartë.

Në Bruksel nuk vërehet një përkrahje e qartë e shumicës për heqjen e vizave.

© KOHA. Të gjitha të drejtat janë të rezervuara.