Fillimit të vitit të ri shkollor më së shumti iu gëzuan fëmijët [video]

5 Shtator 2016 - 19:26      

Fillimit të vitit të ri shkollor 2016-2017, më së shumti iu gëzuan fëmijët që për herë të parë u ulën në bankat shkollore.

Ministri i Arsimit, Arsim Bajrami, i vizitoi nxënësit e shkollës fillore “Meto Bajraktari” në Prishtinë.

Ndonëse kishte paralajmëruar se mësimi do të fillonte me datën 1 shtator, gjatë ditës së hënë, dha arsyetimin se kanë pasur mungesë të fondeve për sigurimin e tyre.

Ai edhe njëherë tjetër kërkoi që askush të mos i përdor fëmijët për çështje politike dhe kjo sferë të mbahet larg objekteve shkollore.

E Arbërie Nagavci është shprehur se komuna e Prishtinës po ashtu i ka ndërmarrë të gjitha masat që gjithçka të shkojë në rregull sa i përket këtij viti shkollor.

Nxënësit në orën e parë të mësimit kanë mbajtur ligjëratë për shenjtërimin e Nënës Terezë.

Ministri Bajrami tha se edhe pse shkollat tona janë laike, ligjërata kushtuar asaj nuk cenon laicitetin e shtetit, kjo pasi që, sipas tij, figura e tashmë Shën Terezës do të thotë shumë për vendin dhe është mirë që edhe nxënësit të dinë për veprat e saj humane.
 

© KOHA. Të gjitha të drejtat janë të rezervuara.